අද නිවුයෝර්ක් ටයිම්ස්හි කේල් සමඟ සම්ප්‍රදායික ශ්‍රී ලංකා පරිප්පු කරියක් හදා ගන්නා ආකාරය විස්තර කර තිබෙනවා. ලිපිය ලියා ඇති තේජල් රාවෝට රෙසිපිය ලබා දී තිබෙන්නේ මීරා ශෝධානම් බ්‍රිතාන්‍ය සූපවේදිනියක විසිනුයි. ඇය කියා ඇති පරිදි පරිප්පු කරිය උඩට කේල් කොළ එකතු කිරීම ලංකාවේ සාම්ප්‍රදායිකව කරන දෙයක් නොවූවත් එසේ එකතු කිරීමෙන් මේ ආහාරය වඩා සම්පූර්ණ එකක් බවට පත් වෙනවා.
කේල් ඇමරිකාවේ වගේම යුරෝපයේත් ජනප්‍රිය හා සුලභ කොල වර්ගයක්. එය සෞඛ්‍ය සම්පන්න ආහාරයක් සේ සැලකෙනවා. පරිප්පු වලට කේල් කොළ එකතු කිරීම සමාන කළ හැක්කේ ලංකාවේදී පරිප්පු වලට නිවිති කොල එකතු කිරීමටයි.
ලංකාවේ කේල් වවන්නේ නැතත් සුපිරි වෙළඳසැල් වල කේල් මිල දී ගන්න ඇතැයි මම සිතනවා. මේ වසරේ පළමු මාස හත ඇතුළත පමණක් ආනයනය කර තිබෙන ඩොලර් මිලියන 228.0 ක එළවලු අතර කේලුත් නොතිබෙන්න හේතුවක් නැහැ. සුළු වශයෙන් හෝ ලංකාවේ කේල් වවනවා ඇති කියලත් මම හිතනවා. දැනට වවන්නේ නැත්නම් උඩරට පළාත් වල වවන්න බැරි දෙයක් නෙමෙයි.
දැන්නම් අපේ වත්තේ ඇති වෙන්න ගොටුකොළ මුකුණුවැන්න තිබෙනවා. ඇමරිකාවේ වැවෙන අනෙක් දේශීය බෝග බොහොමයක් වගේම ගොටුකොළ මුකුණුවැන්නත් ශීත කාලයේදී මැරිලා ගිහින් කාලගුණය උණුසුම් වෙද්දී නැවත ඉබේම මතු වෙනවා. කන්කුන්නම් ශීත කාලයේදී මැරිලා ගියාට පස්සේ ඒ විදිහට නැවත මතු වෙන්නේ නැහැ. ආපහු දඬු හොයාගෙන පැල කර ගන්න ඕනෑ. මේවා වවාගන්න කලින් අපි සමහර දවස් වල බත් එක්ක කන්න කේල් වලින් ලංකාවේ ක්‍රමයට පොල් එකතු කර කේල් මැල්ලුම් හා කේල් සම්බෝල හදා ගන්නවා. නරක නැහැ.
කේල් වගේම පරිප්පුත් ලංකාවේ වැවෙන්නේ නැහැ. 2018 වසරේදී ලංකාව පරිප්පු ආනයනය කිරීම සඳහා ඩොලර් මිලියන 70.2 ක් වැය කර තිබෙනවා. ලෝක පරිප්පු වෙළඳ පරිමාවෙන් 4.2%ක්ම ආනයන කරන ලංකාව ගැනුම්කාර රටවල් අතර අටවන තැන ඉන්නවා. පසුගිය දවස් වල පරිප්පු වෙනුවට බඩඉරිඟු ආදේශ කිරීම පිළිබඳ යෝජනාවකුත් ඇමතිවරයෙකුගෙන් ඉදිරිපත් වී තිබුණා. ඒ එක්කම වගේ ලංකාවේ පරිප්පු කරිය නිවුයෝර්ක් ටයිම්ස් එන එක අහම්බයක් නෙමෙයි කියලා මම කියන්නේ නැහැ.
පරිප්පු නිෂ්පාදනය මෙන්ම අපනයනය අතින්ද මුල් තැන සිටින්නේ කැනඩාවයි. එහෙත්, ලංකාව වැඩිපුරම පරිප්පු ආනයනය කරන්නේ ඕස්ට්‍රේලියාවෙන්. ඉන්දියාව ලෝකයේ දෙවන විශාලතම පරිප්පු නිෂ්පාදකයා වුවත් ඉන්දියාවේ දේශීය ඉල්ලුම නිෂ්පාදනයට වඩා වැඩියි. ඇමරිකාවත් ප්‍රමුඛ පරිප්පු නිෂ්පාදකයෙක් හා අපනයනකරුවෙක්. ඇමරිකාවේ වාර්ෂිකව ජාතික පරිප්පු උත්සවයක්ද පැවැත්වෙනවා.
ශ්‍රී ලංකා පරිප්පු කරිය බොහෝ දෙනෙකුගේ අවධානය දිනාගෙන තිබෙනවා. එහෙත්, ශ්‍රී ලාංකික සම්භවයක් හෝ සම්බන්ධයක් ඇති කිහිප දෙනෙක්ම ප්‍රතිචාර දමමින් සඳහන් කර තිබෙන්නේ මේ රෙසිපිය සම්ප්‍රදායික ශ්‍රී ලංකා පරිප්පු රෙසිපියට සමාන නොවන බවයි.
කොච්චර කෑවත්
ReplyDeleteඑපා වෙන්නේ නෑ
පරිප්පුවක රස
එහෙමයි
මෙවරත් කන්නේ
පරිප්පුවකි අපි
චක්‍රලේඛ පාඩම
නියමයි
ලාබයි.... චක්‍රලේඛයක් සත පනහයි.
Deleteමේක ගැන බ්ලොග් එකේ ලියන්නේ නැද්ද?
ReplyDeleteඇමරිකාව වැඩ කරන හැටි; ඇමරිකානු රාජ්‍ය දෙපාර්තුමේන්තුවේ හිටපු මහාචාර්ය පැට්‍රික් මෙන්ඩිස්
Full Program-
https://youtu.be/Lh4D4qGE854
පරිප්පු කරිය රසවත් කරගන්නට එකතු කළ හැකි තවත් කොළ ජාතියක් තමයි කතුරු මුරුංගා. ඒ වගේමයි මුරුංගා කොළත්. ඉන්දියානු රහක් ගන්න නම් කොත්තමල්ලි කොළ එකතු කළාම හරි.
ReplyDeleteහැබැයි, මොන කොළ ජාතියක් දැම්මත් මම නම් ඒක කරන්නේ පරිප්පුව උයලා ළිපෙන් බාගත්ත ගමන්. කොළ ටික දාලා, කවලම් කරලා නොවසා තියනවා.
එතකොට කොළ වර්ගය ඕනිවට වඩා තැම්බිලා ලස්සණ කොළ පාට නැති වෙන්නෙත් නැහැ. තිත්තක්- කහට රහක් එන්නෙත් නැහැ.
හුඟ දෙනා පරිප්පුව තෙම්පරාදු කරනවානේ, ඒ වෙලාවට- අබ ඇට එක කරද්දී, අසමෝදගම් ඇට ටිකක් දාලා බලන්න. වෙනත් රහක් එක්ක පුසුඹක් එයි.
ඉකොනොමැට්ටා දන්නවා ඇති ලංකාවේ වියළි හා අතරමැදි කලාප වල ජල හිගය නිසා විශාල ඉඩම් ප්‍රමාණයක් -ගොඩ/මඩ- වාර්ෂිකව පුරන්ව පවතින බව. ඒ වගේම ඒ ලැබෙන සුළු වර්ෂාපතනයෙන් වගා කරන බෝග ද බොහෝ විට අනපේක්ෂිත නියග නිසා පාළු වන පසුබිමක් තුළ නියගයට ඔරොත්තු දෙන විකල්ප බෝගයක අවශ්‍යතාව බොහෝ කලක සිට හදුනාගෙන තිබුණා.
ReplyDeleteඒ අනුව 'තෝරපරිප්පු' මෙවැනි ජල හිඟ තත්වයන්ටමුහුණ දීමට වර්ෂා ජලය පදනම් කරගත් ක්‍රම වේදයක් යටතේ මහ කන්නයේදී නිසරු ගොඩ ඉඩම් වල ද, යල කන්නයේදී සීමිත ජල ප්‍රමාණයක් ලැබෙන කුඹුරු වලද සාර්ථකව වගා කළ හැකි බෝගයක් ලෙස දැන් වගා කරගෙන යන්න උත්සාහ කරනවා. ඉතා ගැඹුරට විහිදෙන මූල පද්ධතියක් ඇති මෙම 'තෝරපරිප්පු' බෝගය රනිල් කුලයට අයත්වන බැවින්, පස සරු කිරීමේ හැකියාව වටිනවා. මේවට භාවිතා කළ යුතු පොහොර ප්‍රමාණය අනෙකුත් බෝග හා සැසදීමේදී ඉතා අඩුයි, මහ කන්නයේදී අස්වනු නෙලීමෙන් පසු යල කන්නයේදී නිරිවගාවෙන් අමතර ආදායමක්ද ලැබෙනව.
සාමාන්‍යයෙන් ලංකාවේ දෛනික ආහාර වේලක ජනප්‍රියතම අංගයක් වන මෑසූර් පරිප්පු ලංකාවේ දේශගුණ තත්ත්ව යටතේ වගාව අමාරු නිසා වාර්ෂිකව රුපියල් මිලියන 2,000කට වැඩි විශාල විදේශ විනිමය ප්‍රමාණයක් ආනයනයට නාස්ති වෙනවා. මේ මෑසූර් පරිප්පු වලට ආසන්නතම ආදේශකයක් ලෙස 'තෝරපරිප්පු' හදුනාගෙන ලංකාවේ දේශගුණීක තත්ත්ව යටතේ පහසුවෙන් වගා කළ හැකි බෝගයක් ලෙස දැන් ක්‍රියාත්මකයි. මේ ගැන මොකද හිතන්නේ?
ශ්‍රී ලාංකික යන්නෙහි අරුත සිංහල නොවේ යන්නයි.
ReplyDeleteඑබැවින් මෙය සිංහලයන් දන්නා කෑමක් නොවීම නිවැරදියි.
ආතර් සී ක්ලාක් මෙය මනාව දැනසිටි අයෙක්. එබැවින් ඔහුගේ පොත්වල ඉන්නා ශ්‍රී ලාංකිකයන් යනු දෙමළුන් සහ ලංසින්.